剛出道時俾美國傳媒形容為「TigerWoodsinclassicmusic」、只得二十三歲嘅年輕華人鋼琴家郎朗，前晚喺文化中心舉行一場鋼琴獨奏音樂會，吸引咗大批高官名人知音，好似梁愛詩、李國章夫婦、李國寶夫婦、田北俊夫婦等，熱鬧過開立法會。贊助商信興老闆蒙民偉同太太及女兒同來，佢前妻楊雪姬又咁啱同場，真係有啲寃家路窄。
咁星光熠熠嘅場合，煲呔又點會執輸吖，佢同曾太到場時獲大會公關前呼後擁，排場十足；另一邊廂，陳太就親民得多，同姪仔行入會場，八方問佢手袋黨之友俞宗怡出任公務員事務局局長，陳太就話：「我都替佢開心，佢係好有才能。」
同場重有少咗露面嘅董太趙洪娉，佢同八方講次次郎朗開音樂會都唔放過，一定嚟聽，問佢有乜新年願望，董太懶神秘咁話：「新年快樂！HappyNewYear！」
傳真︰2623-9278
電郵︰[email protected]
