【本報訊】年近歲晚，不少市民四出購物辦年貨度新歲，亦是匪徒搵快錢的高危時間，警方將加派軍裝警員巡邏，並派出便衣探員於購物區如銅鑼灣、尖沙嘴及旺角等監視，防止扒竊罪案發生，警方提醒市民在酒樓食肆用膳時，不要將手袋隨處擺放，以免匪徒有機可乘。
注意手袋勿亂放
葉靜嫺稱，各區警方會針對區內情況進行冬防，亦會加派軍裝人員及便衣人員巡邏，警方亦會到各邊境口岸向來港旅客，特別是內地人士廣播，呼籲他們小心看管財物，以免受騙。
她並提醒市民即使到高級食肆用膳時，亦不要將手袋隨處放於椅背上，「唔好以為喺較高級嘅酒樓食肆食飯，就唔會有機會被偷嘢，我哋會派人到酒樓食肆派傳單，提醒食客小心。」
外遊須加強防盜
她又呼籲出外旅遊的市民加強防盜設施，「最好叫親友定時上門檢查寓所，同埋如果有訂報紙嘅話，就叫有關方面暫停送嚟，唔係嘅話，搞到成地都係報紙，就會容易俾人知道你屋企冇人，令匪徒有機可乘。」