一月二十五號對一般人嚟講，可能好鬼普通，冇咩特別；但係對莎姐周梁淑怡（圖）同吳靄儀Margaret嚟講，就係非一般嘅日子喇，因為呢日係佢哋嘅壽辰。
女人年齡係秘密，八方都不便透露咁多，但可以同大家講，壽星女周梁噚日鬼咁開心，事關佢老公同兩個囡囡，喺屋企同佢打邊爐慶祝生日。呢招溫情牌真係好掂，周梁唔單止個身暖晒，個心都肯定火辣辣，就算冇生日禮物，都一定冧晒啦，怪唔得周梁全程笑騎騎。
呢一年究竟有乜生日願望？周梁都好簡單，就係話要一年好過一年，一年開心過一年，即係一切常歡就掂晒。周梁過年會歐遊，肯定好開心；遠離立會同行會喎，去邊都一定過癮啦。
至於Margaret吳，生日就好忙碌；關注組重特別揀咗噚日嚟宣布「鑄黨」細節，唔知係咪想送呢份生日禮物畀佢呢？
傳真︰2623-9278
電郵︰[email protected]