楊千嬅與任賢齊主演的新片《天生一對》（前名《哀悼乳房》）將於三月上映，但首批電影海報卻因被指不雅，禁止在地鐵展示，認真出師不利。
「咪戴有色銀鏡」
由於《天》片題材與乳癌及女性乳房有關，海報以一個無露面的半裸女子的胸部為主，用電腦將海報砌圖化及遮掩兩點。楊千嬅聞海報被禁後反應極大，她說：「點解要禁？我睇過張海報，一啲色情成份都冇喎，海報設計其實係帶出一個婦女健康保健嘅訊息，係正面嘅健康教育。若果將成個乳房遮咗，根本起唔到作用，希望地鐵唔好戴有色眼鏡睇娛樂圈。」
問千嬅可有親身上陣拍海報，她狂笑說：「我都想係我，如果我身材有咁好，又唔介意全裸影，你知我一向夠勇、夠大膽，不過真係身材唔好，點拋個身出嚟見人？」
撰文：林妙萍