九龍127車位標售

九龍127車位標售

投資車位比較冷門,但車位唔使保養,租金差唔多可以淨袋,回報又比住宅高,吸引不少投資者,廖創興銀行家族成員廖烈正夫人廖湯慧靄,就係車位投資老手。
車位大手買賣一向唔多,但𠵱家有兩批標售,夾埋一百二十七個,下月二十八號截標。
卓先負責招標,第一項係觀塘鳳儀大廈停車場,七十個,交吉。另一批係九龍塘金翠苑地庫五十七個,但要夾埋一個七百三呎住宅。