電影《霍元甲》導演于仁泰日前接受本報記者訪問,談到《霍》片主要鼓勵年輕人要自強不息,他說:「李連杰想憑呢部戲話畀年輕人聽,做人要自強,為國為民,犧牲自己。外國人有個錯覺,覺得中國功夫片九十分鐘裏面,有八十分鐘係打戲,裏面嘅中國人覺得唔滿意就打,其實有違功夫嘅俠義精神。」
拍戲改變性格
李連杰曾指出《霍》片中失明的月慈反映了于仁泰的內心世界,自小患有小兒麻痹症的于仁泰說:「我細個就有小兒麻痹症,好自我封閉,自從鍾意拍戲後,個人先至開始改變,李連杰可能講中我嘅心意,月慈係代表緊我,我都唔知。」
于仁泰又回憶起年輕時拍電影的情景,他說:「當年曾志偉、林嶺東同徐克一班人唔食飯就一齊傾戲,個個傾到好high,大牌檔嘅夥計都知我哋係邊個,當年好多觀眾入場睇戲,見到我哋會同我哋講點樣拍先好,同𠵱家有好大分別。」
採訪、攝影:張俊銘