雖然近年長途電話費大減，不過好多人仍然不為所動，皆因全球電腦太普及，要傾要講大可用InternetPhone，完全無視電話費嘅煩惱。不過有時收藏Headset都幾煩，放埋一邊又驚鋪塵，始終放喺耳仔同嘴邊度用，要留意吓衞生情況嘛。
SONY就新推出一款USB電話仔Skype，閒時插落部電腦度，就可當Headset咁傾電話，最抵死係摺合後，搖身一變成一個800dpi嘅光學滑鼠，實用性極高！Skype利用VoIP技術傳輸語音通話，透過程式運算，可大幅減低過往IP電話嘅延遲同雜音情況，當有來電時「鼠面」LED燈更會閃亮，十足十一個真正電話咁，想同遠方親朋拜個年都好Easy！
記者：徐影龍
網址：www.ecat.sony.co.jp/vaio/acc/acc.cfm?PD=23389