【本報訊】本港首宗神職人員性侵犯兒童案被定罪主角、前神父劉嘉兒昨日刑滿出獄，一直有探望劉的天主教香港教區主教陳日君指劉心情平靜，未有向教區要求協助。據悉，由教區秘書長李亮領導的小組已完成指引，提醒神職人員避免單獨與兒童接觸，並就日後個案是否轉交警方調查訂下準則，短期內完成審批。
除陳日君外，教區的神職人員及教友亦有探望劉嘉兒，陳說：「我一路都有探佢，覺得佢好平安，冇特別問佢諗住點，唔知佢搵唔搵到工，呢啲嘢唔問喇！」他又指，劉暫未有向教區要求協助。
保障兒童指引完成
李亮神父亦指，劉早已離開神職，教會不會再為他安排職務，「假如佢有需要求助教會，喺愛德上，我哋幫得嚟都會幫，任何人、信徒或者窮人求助，我哋都樂意幫。」他期望對方有新開始，「神職工作就肯定唔做得㗎喇，但係佢領咗洗做教友，就一世都係，教會唔會拒絕佢嘅。」
李亮指教會神職人員均對事件感遺憾，「大家都希望呢啲事唔好發生，咁樣會影響教會嘅服務，神父亦會警剔自己，注意操守，呢啲事由其他人做已經唔啱，如果由平日講愛同關懷嘅神父去做就更唔啱。」
據了解，由李亮領導的保障未成年人免受性侵犯小組已完成指引，正待教區諮議會審批。