梁思浩農曆新年要繼續拍攝有線靈異節目《怪談》，日前便隨堪輿學家麥玲玲到車公廟拜神祈福。思浩指過年最重要的是接財神，並需留意財神位及祭品，方可大發新年財兼中六合彩云云。
梁思浩主持的有線靈異節目《怪談》，在農曆新年期間將會轉換話題，節目名則改為《笑談》，並教觀眾如何增強旺氣。日前思浩便與堪輿學家麥玲玲同往沙田車公廟拜神祈福，祈求拍攝順利。
思浩指即使在新年拍《怪談》也不在乎，百無禁忌，最重要的反而是預備過年時接財神，思浩說：「我每年年三十晚踏入初一嘅一刻都會接財神，今年嘅財神位喺東南位，凌晨一點至三點接財神最好，要預備三支香、五種生果同大量糖果，我接完財神之後年年都旺，之前就中咗六合彩二獎。」
時運低要曬陽光
麥玲玲則表示踏入新一年，要特別留意三月、五月及七月，因這些月份陰氣較重，運程不佳的人，會惹來靈體騷擾，若要改善磁場增加陽氣，可到香火鼎盛的廟宇拜神祈福，亦可以多接觸陽光，麥師傅說：「好似拍恐怖節目咁，會去好多恐怖、有污糟嘢嘅地方，要盡量帶備護身符，亦應該多着淺色衫，飲少啲酒，身體好啲，個人嘅磁場就會好。」
採訪、攝影：張俊銘
