早排威利國際（273）發行新股，向Tom集團（2383）行政總裁王兟收購雲南焦煤生意，惹來佢離開Tom集團嘅傳聞，而威利亦因此升咗幾日。昨日Tom集團終於正式公布王兟會辭職。
經紀陳話，呢單消息可能令外界以為王兟會全身投入威利，唔排除威利今日又會借消息炒過。
小初就覺得，威利呢單交易完成後，王兟雖然成為大股東，但都係揸得7.62%股權，揣測佢會做埋老闆實在勇咗啲。
不過經紀陳話，呢排二三線股愈炒愈熾熱，幾乎有咩風吹草動，稍為有啲消息都炒得一餐，況且威利呢系股票，向來都投機味重，應該唔會浪費呢個炒作機會。
威利早前升至0.37元後出現回吐，昨日繼續下滑，跌2.82％，收0.345元，成交股數2185萬股，金額781萬元。
慕容小初