大家同唔同意，愈發展成熟的消費行業、愈講究推廣同包裝？恒生銀行為加強市場推廣，特別禮聘高手加盟，不過呢個猛人並非來自銀行界，而係馬會前市場策劃及發展經理莫毅信。「馬會」同「銀行」一個獨市生意，一個打崩頭，似乎大纜都扯唔埋；兩瓣都掂，莫生一定唔少嘢。
華華一查，莫毅信86年在美國讀完大學，有中大MBA學位，入馬會前在美資的寶潔（P&G）做咗13年，負責喺內地及部份亞洲市場打品牌；加盟恒生後，職銜係助理總經理兼市場推廣主管，非常高級；佢會專責市場推廣策略發展，支援各業務單位，並負責客戶拓展策略、推廣品牌及市場傳訊、客戶關係管理……嘩，呢份工都唔易打呢。