住宅樓市靜，投資者搵食難，反而工廈市場，重有唔少機會，觀塘區應該係焦點，因為唔止有買賣，重有摸貨，剛剛又有一單。
開聯工業中心A座中層，八百八十五呎，投資者以一百零三萬入貨，翌日用一百一十六萬摸出，執得唔算多，但一日賺逾一成，去邊到搵？
睇嚟，接手嘅若果想「摸上摸」，應該重有大把時間搵客。
其實，今個禮拜一，同區成業工業大廈，一樓近三千七呎相連單位，由投資者以每呎六百八十承接，揸咗七日摸出，賺近二十三萬。
完成交易期係四月，新買家計劃「摸上摸」，叫緊每呎九百四十七。
觀塘區工廈買賣特別旺，好多人都話同apm商場有關，但睇番唔少個案，位置遠離apm，而且又唔係全幢易手，冇重建價值，係咪炒得過，要諗清楚。
美聯劉頌威講出原因，佢話，仍然低水嘅工廈，好受投資者歡迎。
電郵地址：[email protected]