地產代理做善事，範圍唔再局限本港，好似世紀二十一，早前與台灣組合「五月天」，一齊去廣州，發起捐書及義賣，然後去山區做探訪。 世紀二十一帶頭捐出十萬獎學金，連埋其他公司捐出五百套玩具、一千本課外書及二十五部電腦，全部送畀兩間村委小學。 世紀二十一楊靄良話，今次係同五月天、幾十個香港及內地DJ，共八十人，一齊去廣東韶關送暖，令五百個學生受惠。佢話，粵北山區學校課室，原來連基本枱椅、粉筆都唔夠，學習條件比香港差好多。