猶記得《鬼武者3》推出時，為攞齊所有隱藏物件，足足爆機8次，真係玩到滾瓜爛熟！嚟到《新鬼武者》，編輯部更係熱切期待，過往排隊跟Game唔再Work，事關個個心急玩，各自掏腰包買Game！連本來相約女朋友嘅肥編輯，都玩到唔停得手，打到11點幾先肯走！你話《鬼武者》幾有吸引力呢。初玩《新鬼武者》不算太長時間，不過感覺相當之強烈，系統雖變得複雜，不過能循序漸進讓玩家掌握，呢點就係日本仔獨到之處！大幅強化一閃系統至7種，令人興奮異常，「連閃」雜魚真係爽到爆！今集將解謎元素推高，初段已有《Bio》式之道具搜集再解鎖玩法，不斷走嚟走去都幾疲累，幸好敵人不時出現，叫做順便儲吓等級都好。
文：徐影龍