鄧麗欣（Stephy）和方力申日前在旺角拍攝電影《獨家試愛》，穿上T恤短褲，赤腳在旺角街頭邊行邊哭的Stephy，引來不少途人注目。原來戲中的她發現丈夫方力申移情吳佩慈，即激動地赤着腳離家出走，在街頭隨處蕩。
緋聞男女方力申和鄧麗欣日前在旺角街頭拍攝電影《獨家試愛》，二人飾演一對年輕小夫妻，不過因為第三者吳佩慈的介入，令關係出現巨變。
「激過拍咀戲」
拍攝當晚，氣溫只有攝氏十四度，下着毛毛細雨，Stephy冒寒穿上T恤短褲，赤腳在旺角街頭邊行邊落淚，吸引一眾途人的目光。
Stephy事後表示該場戲對她來說極富挑戰性，她說：「我從未試過咁嘅造型出街，我頭先都盡量同自己講，當呢個世界淨係得番我自己一個，對我嚟講，呢場戲重激過同方力申拍咀戲，我失戀最多都係匿喺屋企喊，未試過咁激。不過，呢場戲係講我發現老公有第三者，情緒激啲都合理嘅！」
其後Stephy以一身空姐look亮相，劇情講述她重遇分開己久的丈夫方力申，二人見面均忍不住淚流披面。
方力申釋重負
Stephy的制服誘惑迷倒不少男途人，她說：「我都唔明啲男人點解鍾意睇女人着制服？」
而方力申拍完後即輕擁Stephy以示感激，他說：「呢場戲要我喊，Stephy就背住鏡頭畀反應我，我又唔係即刻喊得出，今日天氣咁凍，Stephy亦好專業咁拍攝完畢，而我就好似如釋重負咁，真係要攬住佢講多謝！」
採訪、攝影：卓美娟
