中原禮拜一開周年晚會，新界區滙演領隊、營業董事周永輝，事前話過誓攞冠軍，結果如願，贏到全場總冠軍。 佢哋演出《歌聲魅影》，講男女主角慘遭拆散，但男主角奮力爭取，最終有情人終成眷屬。喺演出末段，新界區八個營業董事，喺董事王浩聰帶領下，帶晒面具出場做終結，發揮團結精神。 原來，排舞教練係周永輝囡囡嘅老師，又係職業拉丁舞冠軍冼大偉與翟婉雯。 今晚輪到美聯，唔知有乜精采演出？