有「鐘表界美女」之稱的胡敏珊，前晚在中環慶祝公司周年紀念，大騷獎勵自己的四卡黃鑽戒指。到賀的何鴻燊四姨太梁安琪，被問到早前活動上相借皮草給鄭裕彤契女葉璇時，也讚對方「乖女」。
胡敏珊前晚在中環麗嘉酒店，舉行公司周年晚會，賭王何鴻燊四姨太梁安琪、八姑娘何婉鴻和丘凱敏均有捧場。
偕母切蛋糕
胡敏珊難掩興奮心情滿場飛，並與母親Helen一起切蛋糕，又狂騷手上兩隻重四卡黃鑽及兩卡半白鑽戒指，她說：「舊年做得好辛苦，所以自己買禮物獎勵自己。以前細路女，收毛公仔都好開心，𠵱家大個女，點都要有鑽石先得，就算將來男友冇錢，都要送水晶閃閃哋。」
問胡敏珊發展順利，公司可有望上巿？她說：「順其自然啦，𠵱家公司發展到有二十個員工，希望一年比一年好。」
讚葉璇乖女
梁安琪透露也有購買胡敏珊代理的PhilipStein健康表，但就沒有送給賭王，她說：「佢唔啱，因為佢要打波，戴住太重喇！」提到早前在澳門出席酒店活動時，梁安琪特別照顧鄭裕彤契女葉璇，並且借出皮草給對方禦寒時，梁安琪說：「佢凍呀，又冇帶衫，咪借畀佢囉。佢都幾乖㗎，不過你哋問番佢契爺，我自己就冇契女，因為我咁多仔女，又唔興上契。」她又謂新年會到觀音廟拜神，年初一、二則在澳門過。
採訪、攝影：JessicaNgan
