由劉德華、范冰冰同韓國演員崔始元（左）主演嘅《墨攻》，早前喺內地河北省易縣市埋首拍攝三個幾月，忙碌嘅拍攝令工作人員疲憊不堪，所以一班工作人員有機會就會到酒店附近大擦當地美食。對於中國文化有濃厚興趣嘅崔始元當然亦唔例外，曾經喺內地學中文嘅佢重對餃子情有獨鍾，因為佢覺得餃子係不可或缺嘅食物，所以就特別鍾意。