小金王胡經昌（圖）雖則無再做立法會議員，但依然公職多多，亦繼續同傳媒食蛇。華華有日見到佢，胡經昌話自己一有假放，就會同屋企人去旅行，享受家庭樂，好似聖誕節就啱啱同家人去完南韓，而為咗拉近自己同啲細路嘅距離，重特登跟埋佢哋去玩Snowboard，跌吓跌吓咁慢慢學，真係好廿四孝。 至於農曆年，佢又會同屋企人去玩，今次就揀咗曼谷，香港人去親曼谷，除咗食同Shopping之外，揼骨同Spa都係指定節目，但係胡經昌就話無福消受，事關佢好怕俾人掂，要佢俾人揼，等於「貼錢買難受」喎。