澳門舊區重建進入倒數，舊區樓市自然變成焦點，中原澳門分行經理余偉成話，黑沙環區住宅買賣，最近零舍活躍，除咗部份舊樓居民喺同區搵十幾年樓住，又吸引到一啲投資者，喺呢區買入百零萬嘅單位做投資，一買就兩三件，搞到傳統熱門投資地區新口岸及氹仔區，反為被冷落咗。 東華新邨同建華新邨等屋苑，一房單位𠵱家賣二十五萬至三十幾萬，但每月可以收到千八至二千蚊租，回報最高逾八厘。租客多數係去澳門做嘢嘅香港及內地技術員工。