廣州番禺區邊村日前通過「娶博士媳婦獎兩萬」嘅新規定，明確指出，凡娶博士做老婆可獲兩萬蚊（人民幣．下同）獎勵，娶研究生獎一萬蚊，娶大學本科生獎五千蚊。佢哋希望透過新規定，吸引村外人到邊村做生意。據講自九十年代初起，邊村每年都堅持舉辦獎學活動，由最初幾千蚊到舊年近六萬蚊。𠵱家重定明呢條新例，睇到佢哋幾求才若渴。