喺人前卿卿我我，有人認為傷風敗德，但韓國首爾卻出現愈嚟愈多「親吻解放區」，畀年輕人表現愛情。首爾一間叫TopCloud嘅西餐廳，設有「吻橋」，係舊年十二月設置嘅。呢度可以欣賞首爾夜景，但係從餐廳入面望出去就睇唔清，所以受到年輕戀人青睞。餐廳方面估計，從十二月以來銷售額同比增加百分之五左右。圖為TopCloud內一對親吻戀人。