鍾欣桐（阿嬌）前晚補祝生日，她的一眾緋聞男友都未見蹤影，只有同事和中學同學到賀。阿嬌大發嬌嗔謂要方力申快點送禮，又投訴陳冠希沒有說生日快樂，幸有關智斌捱義氣謂要送自己給阿嬌，為她做傭人。
組合Twins成員鍾欣桐上周六度過二十五歲生日，但當時要到台灣宣傳，惟有前晚在銅鑼灣唱K補祝，拍檔蔡卓妍因拍戲未有出席，其所有緋聞男友包括方力申、陳冠希等均不見影蹤，只有陳柏霖、關智斌（Kenny）及張致恒（Steven）到賀。
被問到生日願望，阿嬌說：「一切順利囉，身體健康。」她邀請了同事及中學同學來狂歡，阿嬌說：「我今年切咗七個蛋糕，收好多禮物，多數係歌迷送嘅，楊生（楊受成）送咗花畀我。」阿嬌謂自己沒有錢，否則會買大鑽石送給自己。
叫方力申送禮
提到一眾緋聞男友可有傳短訊祝賀，阿嬌說：「冇喎，邊啲呀？」問方力申有否送禮？阿嬌大發嬌嗔：「唉吔，唔知呀，你問佢啦，叫佢快啲送啦，送乜就是但，都係心意啫。」問阿嬌有否請陳冠希到場，她投訴說：「冇請呀，佢連生日快樂都冇同我講句。」至於英國及日籍的男友呢？阿嬌說：「冇呀，冇呀。」問阿嬌新一年是否想快點有個固定男友，她謂：「唔會，唔要，好煩呀，我唔想再回應呢啲。」
Steven做賓仔
Steven表示與同事夾錢送了禮物給阿嬌，Kenny則說：「我送自己囉，賓仔嘛，我執嘢好叻，好整齊好企理㗎，其實我都係同公司人夾錢買啫。」Kenny表示日前拍MV時已與阿嬌慶祝過，當時二人還合唱《良心發現》。
此外，Kenny表示剛看完國際著名色士風演奏家KennyG的演奏會趕來，他笑說：「我去偷師㗎，人又Kenny，我又Kenny，我要加十幾倍努力先得。」
採訪：王連連
攝影：何國豪
