年近歲晚，人人忙於大掃除同買嘢，準備過年，但香港興業義工隊就趁住過年前，同聖雅各福群會合作，搞新春活動，同百名長者迎新歲，為年逾六十嘅獨居長者，送上祝福與關懷。 呢個喺聖雅各福群會灣仔總部搞嘅活動，節目有遊戲、魔術表演、唱歌及抽獎。又有財神同佢哋合照，留下美好回憶。 香港興業企業義工隊，共有逾三十名義工，由愉景灣營運總經理胡學思帶領，參與呢次活動。