九鐵呢輪搞到一頭煙，地鐵就好風騷，佢哋位行政總裁周松崗唔使日日見記者講裂痕，得閒到走咗去觀塘順天九龍婦女福利會黃張見紀念老人之家，同啲老人家拜個早年，重特別學咗兩套小魔術去𠱁啲老人家。 嗱！𠵱家做總裁係要放下身段，周松崗既然推得出「地鐵人、地鐵心」嘅口號，就要以身作則。經驗教訓，上下唔齊心，實大鑊㗎。