樓市前景欠明朗，買賣雙方睇唔通後市，所以成交價參差，但有一樣嘢可以肯定，筍盤始終去得快。 祥益林偉光話，屯門南浪海灣一座低層D，近七百一十呎，去年中開始放盤，到今個月初，都叫緊一百四十六萬，但係反應冷淡，為咗趕喺農曆新年前出咗件貨，業主惟有忍痛再減，終以低於市價八巴仙、一百三十八萬賣畀用家。個買家睇完樓，聽埋個價錢，即刻扑槌，一日之內搞掂。