翁為德隨影星夫婿移居美國多年，大半年前因凑仔悶得發慌，遂創立以自己英文名命名的DIY首飾品牌，昨日邀請模特兒好友周倩圯在金鐘示範作品。不過翁為德打理生意亦堅持以家庭為重，堅拒全職工作。
久未露面的翁為德（Wanda），多年前嫁予打星鄒兆龍，誕下超磅孖仔後，移居美國生活。居美多年，Wanda原來悄悄創業，進軍首飾界，早前她回港順道推介一手創立的首飾品牌WandaYung。
美容院寄賣
翁為德前晚陪伴丈夫出席新片《霍元甲》首映禮，昨日她在金鐘由模特兒好友周倩圯示範其首飾品牌作品，楊崢亦有前來探班。翁為德說：「呢個係我喺美國嘅副業，舊年六月開始嘅，嗰時湊仔湊到我發瘟，好悶，想搵啲扮靚嘢搞，但加州時裝係千篇一律嘅牛仔褲、T恤，所以我就用半寶石、水晶做首飾，將幾百萬珠寶嘅concept同設計，融入作品中，售價由十美元（約七十七港元）至二百美元（約一千五百港元），𠵱家放喺美容院、spa度賣，將自己鍾意嘅嘢同人分享。」
孖仔好怕醜
問翁為德設計首飾收入是否豐厚？她說：「呢盤係搵唔到錢嘅生意，純粹係update自己，同埋將以前嘅fashionsense放番落去啫。我𠵱家都係接order做畀朋友、鄰居，始終細路第一，老公第二，生意排第三。」翁為德又表示自覺「人老」，不再全職工作，只能客串行騷。
提到一對三歲孖仔，翁為德喜上眉梢地指孖仔高大卻怕醜，她說：「醫生話佢哋將來至少有六呎五吋，又好好精力，我想訓練佢哋打籃球。」
採訪、攝影：RitaLeung
