昨日大市雖然跟隨外圍下跌，恒指跌197點，但中資股有趁低收集，H股指數識得反彈，跌幅收窄至26點，大市表現已較預期佳。
大陸3G概念繼續熱炒，信息產業部上周五話TD-SCDMA將成為行業的標準，而研發呢門科技的大唐電信，昨日亦在大陸急升。
經紀陳話，海天天線（8227）喺去年同大唐旗下大唐移動通信設備成立合資公司，生產同開發TD-SCDMA產品，據講大陸的同胞炒大唐之外，亦透過互聯網炒埋海天，令海天昨日一齊急升。
連人哋用互聯網買賣佢都知，小初真係服咗經紀陳，但海天昨日真係最高見過0.49元，收0.47元，大升11.91％，不過成交股數只有73.2萬股，金額34.7萬元，咁細size，話係大陸散戶買就差唔多。
除海天外，因為市場憧憬大陸3G發展將有定案，所以其他同類股如中興通訊（763）亦升0.87％，收28.70元。
至於京信通信（2342）昨日股價雖然一度下跌，但收市倒升2.48％，收3.10元。
慕容小初