舊年經濟好，辛苦咗一年，短期內樓市冇大動作，唔少發展商趁農曆新年長假，出去外面輕鬆吓，充充電。新地代理執董雷霆，去英國公幹兼遊埠，主要去倫敦金融區金絲雀碼頭觀摩。佢話，主要銀行及財務公司都揀嗰度做總部，今次去偷師，為九龍站七期環球貿易廣場攞靈感。
新世界何伍燕榆話，年二十八出發，去西班牙及葡萄牙，玩成個幾禮拜，返嚟全速準備元朗流浮山項目。
原本打算上個月開賣大圍嘉御山嘅嘉華，賣樓部負責人陳玉成，會去近年成為港人旅遊熱點嘅泰國。聽聞，佢早年加入嘉華時，有份負責泰國業務，成日要飛去嗰邊。
電郵地址：[email protected]