【本報訊】逛年宵行好運，全港年宵市場經已開幕，規模最大的維園年宵，雖然部份攤檔仍在作最後準備，但有市民已急不及待來沾好運，選購年花及創意賀年精品，包括為港人打打氣的吹氣石油氣樽、印成鈔票模樣的廁紙及流動貼紙相機等。此外，雖然今日最低氣溫只有攝氏十一度，但氣溫將慢慢回升，而除夕至年初二則是多雲有雨。
維園禁止狗隻入內，可是昨日卻變成「狗公園」，這些可愛狗兒是年宵市場攤檔的精品，如攤檔「狗年行好運」售賣的飛天牧羊狗，在狗形氫氣球加四隻腳，令它向下墜。該攤檔夥計說：「可以拖住佢行，拉吓佢又會飛上天空。」
選購水仙及桃花的陳女士說：「呢幾日已經周圍去買衫買年貨，今日花市開咪嚟睇吓。」由北京來港擺賣牡丹花的李先生說，港人疏爽，尤其對新品種感興趣，「像全新的吉祥如意牡丹花，三百多元一盆，顧客也沒多講價。」
石油氣樽鬥富貴廁紙
天文台預料今晨仍寒冷，最低溫度只有攝氏十一度，明日稍暖最高氣溫升至十八度，除夕最高溫度為十九度，但多雲有雨；大年初一及初二，氣溫徘徊十七至二十度，多雲及有一兩陣雨。
不少檔主都趁近日天氣較佳大力促銷，「狗年打打氣」檔主王小姐自創吹氣石油氣樽，「好多人做狗公仔，我哋要創新，呢個樽同真嘅一樣，唔只可以托，重可以用嚟『車』人，但唔痛嘅。」她說畢後即像個女大力士般把石油氣樽托上香肩。
「辦大事」檔主Leo則棄「狗」從「廁」，推出印有類似千元「金牛」圖案的廁紙「RollRoll紙」；他本擬將卡通人物印在紙上，「但諗到啲紙嘅用途，好似唔係咁好。」
部份攤檔趁世界盃在即推出足球精品，如「狗籠皇宮」的碧咸及朗拿度頭生草公仔，揭開「頭腦」每天淋水，頭頂就會長出小草。「昀樂」以特價百多元發售原價六百多元的流動貼紙相機，玩家與友人自拍可即時在數碼相片加添花紋圖案。有攤檔則趁世貿後推出自製吹氣警盾及警棍。
