呢個世界有時未必有大食大,以打工仔每個月都要供款嘅強積金為例,雖然滙豐市場佔有率最大,但係照樣有客要走。景順最近就撇咗滙豐,唔再用佢哋嘅後勤行政服務,改咗投靠銀聯信託嘅懷抱。
聽講話係因為景順覺得滙豐處理自願供款方面唔夠靈活,尤其係一啲非定期嘅供款。另外,對於客戶更改投資組合,銀聯方面容許只改一部份,唔使個客要先沽晒所有貨至可以轉。
其實強積金推行咗近6年,近年陸續都有公司俾員工嘈嘈閉,要更改供應商,因為部份供應商嘅基金投資表現真係令人失望,做咗咁多年都冇乜長進,冇法子唔換呢。不過,如果間公司要問兼做埋強積金嘅銀行借錢,想話換都未必咁易,啲員工就惟有……