陶喆一連兩晚喺台北巨蛋舉行演唱會，喺大前晚嘅首演度，佢重向台下嘅女友喬安娜（Joanna）憑歌示愛，不過戀情顯然未得到陶喆媽咪王復蓉認可，陶媽媽只係對記者大讚個仔演出有幾好，但問到佢知唔知道Joanna都有嚟捧場時，佢即刻收起笑面話：「我不知道！」至於陶爸爸講到對Joanna評價重符就話：「不覺得怎麼樣，很普通啦！」
陶喆大前晚演唱《天天》時，邊唱邊指住Joanna坐嘅位置話：「我愛她，謝謝。」而Joanna就喺安歌時離開，佢大讚男友演出表現話：「很好。」問佢聽到陶喆唱《天天》時有冇感動，佢點咗一下頭就走。
非首次公開示愛
Joanna喺陶喆搞嘅新歌製作公司負責網站規劃工作，陶喆雖未正式對外承認Joanna女友身份，但佢已經唔係第一次公開同Joanna示愛，舊年佢喺上海演唱，當佢唱到《天天》呢首歌時，佢對住台下歌迷話：「DearJo，這是你最喜歡的歌，送給在遠方的你，Thisisforyou。」後來因為有一次陶喆喺北京演出，Joanna坐喺觀眾席而被揭發戀情。
