八方噚日收到讀者投訴，話喺中環見到特許會計師公會為咗籌款，放棵翻版許願樹喺度任人掟寶牒，於是特登去睇吓。
八方見到一棵約三米高嘅樹掛滿寶牒，原來寶牒係一個用棉花做嘅橙綁住啲願望紙。特許會計師公會嘅節目籌委王小姐話，搵棵樹嚟畀啲捐款嘅市民掟，係為咗攞個意頭同跟傳統，重話啲橙係棉花做，又有專人睇住，所以棵樹唔會受傷。
不過「樹博士」詹志勇知道呢件事之後就好激氣，佢話好唔明白香港人點解係都要掟啲嘢上樹，呢個根本唔係傳統，只係潮流，應該戒咗佢，而喺中環大庭廣眾咁樣做，簡直係宣傳掟樹。
傳真︰2623-9278
電郵︰[email protected]