商場大業主鬥完農曆新年裝飾，轉頭又要鬥活動表演。新地請咗「河南省吳縣雜技團」，巡迴表演雜技同少林武術，上個禮拜六第一站係元朗廣場。 同系嘅觀塘apm商場，就請咗功夫巨星李連杰出席活動；而新春內地旅客購物團已經陸續抵埗，過去周日有逾200人，每人平均消費千五蚊。 另外，和黃紅磡黃埔新天地噚日就搵嚟美食家蔡瀾、堪輿學家麥玲玲同藝人袁彩雲出席活動，同大家預早拜年。
