吊頸都要唞氣，唔少女生都鍾意去CafeHea吓叉叉電，太古廣場「DanRyan's」姊妹店「MetropolitanCafe」擺明車馬明抄足紐約新興Cafe的Fastcasual經營概念，以健康、高效率及即叫即製的優質服務做噱頭……唔明？唔緊要，請聽聽一眾OL的真心話（代表埋我！）：「最緊要食物夠輕量級，啱晒我哋呢亭細食女仔，價錢重平兩三成㖭，抵撐！」
記者：盧家蕙
攝影：何家亮
模特兒：Jessica、Leslie、Tiffany（TheGroup）
MET=Meet＋Eat＋Talk
餐廳小名叫「TheMET」，3個英文字母「M」、「E」及「T」分別代表「Meet」、「Eat」及「Talk」，即忙裏偷閒的好地方，設計概念是地道、自然且充滿時尚節奏，竹製地板、五十多個舒適座位、開放式窗台全營造出一種輕鬆寫意的用膳氣氛。店子提倡健康清新的飲食文化，採用自助形式購買食物，大型保鮮陳列櫃內有新鮮烘製的三文治及麵包卷，還有多款鮮果汁、健康飲料、熱湯、新鮮水果及甜點，別以為盡是預先弄好的食物，其實店子廚房就在陳列櫃之後，絕大部份出品都是即叫即製，務求讓人客享受到熱氣騰騰的美食。以份量來說，「TheMET」的食物是輕量級的，例如意粉只有原裝「DanRyan's」的三分一，美式芝士蛋糕只像積木般的骰，一個人都可輕易幹掉，當然，價錢也便宜兩三成。
自選沙律吧（菜底$32，配料三級制$5、$7、$9）
可自選羅馬生菜或法國菜葉做沙律底，另有逾30種食材和8款醬汁選擇，感覺像Windowshopping，大可盡情地創造最合自己口味的沙律，推介連「DanRyan's」都欠奉的低脂薑醋汁，口味新鮮。
a.雜椒雞肉薏米湯配鮮蛋沙律三文治$50
每日清晨5時用薏米、雜椒和雞肉烹湯，飲完已經半飽肚；三文治用超過8種以上穀料製成的麥包製成，粗糙硬身很有嚼勁。
b.黑椒鹹牛肉三文治$58
類似漢堡包的三文治，是NewYorker最時興的食品，加拿大鹹牛肉用黑胡椒及香料醃過，毋須添加太多汁醬已夠味。
c.火腿蜜瓜意式薄餅$45
外皮香脆的餅底頗厚身，火腿味道很濃，有點鹹，不過配上清甜的蜜瓜和絲絲白芝士，卻又恰到好處。
d.番茄醬燴意大利芝士餛飩$58
餛飩入口綿軟，配合蒜茸和原隻新鮮番茄煮成的酸甜醬汁，是不少女生豐富醒胃午餐之選。
e.忌廉蘑菇螺絲粉$48
素食朋友不用怕無啖好食，這裏有3款Pasta可供選擇，賣相味道同樣不俗，啱晒追求健康清淡口味的朋友。
f.芒果布甸$28
細細杯的PannaCotta，香濃而幼滑，驚喜的是芒果還是甜滋滋的，食完好有夏日Feel。
g.香草燒雞（全隻$98，半隻$52，配蔬菜加$15）
店舖有電動烤爐用慢火燒2小時，巴西烤雞肉質比較鮮嫩Juicy，蘸阿根廷特製醬汁，更添美味，另還有BBQ口味選擇。
h.法式焦糖燉蛋$28
焦糖面很香脆，CreamBrulee滑溜甜而不膩，又係一杯不知不覺誘惑你的危險甜品，唔想肥要忍口食一杯好了。
MetropolitanCafe（NewYorkFastCasualConcept）
地址：金鐘太古廣場LG008號舖
電話：29180882
營業時間：8:00am-9:00pm
座位：60個