郭晉安憑《阿旺新傳》一劇令事業再創高峯，除了在無綫台慶得最佳男主角外，昨日在新城點正娛樂勁爆電視大獎頒獎禮上，又再憑阿旺一角奪得最佳男主角殊榮，安仔笑言攞獎後不會跟風學李克勤即時宣布婚訊，更未有結婚打算。
昨日《謎情家族》一班演員在將軍澳新都城中心出席「撲朔迷離迎狗年」活動，郭晉安、伍詠薇、譚小環、黎耀祥、李彩寧跟現場觀眾玩智力及考記憶的遊戲，最後更比賽搓賀年湯圓，在壓軸抽獎中，黎耀祥奪得價值一千四百元的如意金狗一隻。
「人做我唔做」
安仔在該活動後，再出席新城點正娛樂勁爆電視大獎頒獎禮，憑《阿旺新傳》中阿旺一角再奪最佳男主角大獎的他，被問到會不會考慮跟李克勤一樣，即興宣布婚訊，安仔說：「人做我唔做，我唔會跟風，要有番自己風格，佢（李克勤）咁爆、咁型、咁轟烈，我就唔會咁做。我係一個冇長遠計劃嘅人，呢兩年都冇打算結婚住，女朋友重後生，一定會畀個名份佢。」
伍詠薇改形象
稍後安仔在新城頒獎禮上領取最佳男主角獎時說：「阿旺係我嘅代表作，令我名利雙收，如果大家好鍾意阿旺呢個角色，過兩年我願意再做。」
此外，伍詠薇昨日在《謎》劇活動時以一個新髮型亮相，她說：「我想剪頭髮後，會畀人一個正路、穩重嘅感覺，因為簽咗TVB經理人合約三年，想全情投入工作，所以我最近去學化妝，又勤做運動，keep好自己。」
採訪、攝影：楊潔雯、馬建華
