由今日至下月二十八號，廣西南寧市都會有國際嘉年華，據講開幕當日已經吸引咗一萬人入場。呢個有「流動迪士尼」之稱嘅國際嘉年華已有近六十年歷史，之前喺上海、天津等地舉辦過，今次係佢進入中國以來第一次登陸中國西部城市，入場票價由三十蚊人民幣（普通票）至一千零八十八蚊（廿五人票）不等。