重有幾日就到農曆新年，每年到了這個喜氣洋洋嘅日子，家中例必忙不過來，來拜年的親朋戚友多到招呼不來，熱烘烘的氣氛之下，身為Hi-Fi發燒友當然要播吓靚碟來助興，咁嘅環境無理由播蔡琴老歌或EaglesLive吧？
傳統一點，買番隻「正」版賀年CD，放落自己套靚音響中，然後向親友晒晒冷，好過開着部電視得個嘈字，聲又唔夠靚。
今年對一大堆賀歲碟來講，有啲針對年輕人市場、有啲賣「兼覓」的合唱版，男的唱到無神無氣，慘過擔泥！我最後選了這張《新春》作為本年度的賀年主打，話晒我見到有其他影音雜誌也推介，信心自然大些。頭一首《新春》原來係電視台一日播百幾次嘅廣告賀年歌，當然，用自己套Hi-Fi播會別有風味，跟住隻《歡樂年年》竟然係秋官與阿姐黃金年代的珍貴錄音，秋官把聲一出竟具備不少發燒元素，而汪阿姐那甜如蜜的聲線更是誘人，難怪連寫音響的也大讚了。
文：李廸偉
（[email protected]）