今日大老闆出巡，成班同事圍實晒起勢擦鞋，點知傾傾吓講到Rum酒，大老闆忽然有此一問：「有無人聽過SantaTeresa1796呀？」見班同事個個口啞啞，本小姐惟有出聲打救：「SantaTeresa1796屬黑Rum酒，成支由蔗糖提煉而成，色澤金黃略帶琥珀色，倒入玻璃杯好鬼死晶瑩剔透，入口隱隱Feel到陣陣拖肥、杏仁、胡桃、呍呢拿香味，重被譽為『天堂上的酒』㖭。」可能見我醒目又索爆，大老細即時笑口噬噬咁話要請我一齊去試酒……今次捉蟲喇！
地址：尖沙嘴馬哥孛羅香港酒店地下大堂酒廊
電話：21133919
瘦東：專食貴夾唔飽嘅嘢，口味同揀男友一樣：嘴刁！