周街話煲呔呢個星期三就會宣布最新嘅高層人事變動，等新春一片新氣象，狗年行番個狗運喎。八方早前笑一山不能藏二虎，俞小姐一到，黎太就走，不過，接近Rebecca（黎高穎怡英文名）嘅人話，呢個肯定係一場誤會，第一黎太真係舊年暑假已經講要去深造神學，有官都唔做。原來佢阿太係一位好虔誠嘅教徒，係基督教聖約教會堅中堂嘅活躍分子。八方噚日去位於觀塘嘅堅樂中學，等咗一朝都見唔到黎太，聽講佢兩夫婦都好虔誠，教友對佢嘅印象深刻。
第二，黎太同其他公僕一樣都好尊重D姐，重同人形容Densie係佢第一個師傅。八方翻查吓佢兩人資歷，D姐七四年考入政府做AO，黎太八一年先至加入AO行列，兩個喺教育及人力科以及財務科都共事過，D姐梗係高級好多，所以係Rebecca師傅一啲都唔奇。
傳真︰2623-9278
電郵︰[email protected]