泛民主派在政改一役激怒中方，從此被打成反對派。身兼全國政協委員的自由黨主席田北俊透露，從中方高級官員處得悉，中央已將政府與民主派關係定性為「敵我分明」；曾蔭權更開口預告，日後會更依賴自由黨，但田少卻指與政府的友好關係只屬「虛火」，日後仍然是「鋪鋪清、局局清」，暗示不會瞓身支持政府。
曾蔭權示好
田少接受訪問時自爆，從一位職位高級的中方官員處得悉，中央在未來十數月內，即特首曾蔭權競選連任前，將政府與民主派關係定性為敵我分明；曾蔭權亦在一次會面當中親自表明，「以後會依賴我哋（自由黨）多咗；你哋一票不能少，以後要傾多啲、搞多啲」，反映特區政府未來會向「友好政黨」靠攏。
田少承認，此舉有助改善自由黨與特區政府的關係，但坦承友好關係只屬虛火，絕對不會長久，指出「我哋係友，但唔係我哋講乜，佢哋（政府）都會收晒（貨）。」
他舉例指，近期的室內禁煙問題，政府得到前綫及民主黨支持後，便無視自由黨意向，引證就算與政府關係好轉，也只是鋪鋪清、局局清，即該黨實際上只能與幾個理念相近的政策局，如財經事務及庫務局、工商及科技局，以及經濟發展及勞工局「有多啲偈傾」；其他如衞生福利及食物局、環境運輸及工務局等，關係則較疏離。
施政或受阻
田少關注中央將政府與民主派關係一錘定音，特區施政或受阻礙，「特首究竟有冇咁多空間執生呢？」他預期曾蔭權在餘下任期「冇乜嘢做」，「最緊要穩穩陣陣」，力爭○七年連任時，成功保住至少六成半民意支持。
不過，田少相信一年後的政治環境，與目前定有重大分別；曾蔭權若競逐連任，未必無對手挑戰。
他更看好，一旦民主派積極參與年底的選舉委員會選舉，並成功協調一名候選人迎戰，有望取得一百個提名，參選特首。
記者：許偉賢