為咗慶祝醫管局成立十五周年以及醫管局慈善基金成立十周年，當局噚日喺文化中心搞咗兩場「梁祝美樂為民康」嘅演奏同演唱會，中港台澳兩岸四地嘅高手雲集，加上梁祝小提琴協奏曲嘅原作者何占豪親自喺台上指揮，就更加精采。除咗有名家如宋飛、黃安源、吳曉紅同繆曉錚參與演出，原來醫管局嘅馮康都拉得一手好二胡，佢喺台上演奏都有型有款，八方問佢學拉二胡幾耐，佢笑話中學時學嘅，但係好耐冇練習喇，醫管局咁忙，邊有閒情吖。
醫管局主席胡定旭梗係開心，因為基金已經籌到過千萬善款，用嚟幫啲有需要嘅病人。周一嶽噚晚係主禮嘉賓，而特首夫人曾太就以慈善基金名譽贊助人嘅身份，多謝多位鼎力支持。
傳真︰2623-9278
電郵︰[email protected]