屋企大掃除係新年前嘅指定動作，喺「送舊迎新」嘅時候，有冇發覺掉咗啲其實重好新淨嘅嘢？如果可以捐出嚟循環再用，咁就好好多喇。環保署今年舉辦名為「環保迎新年綠色除舊歲」嘅活動，鼓勵市民喺歲晚參與屋苑內嘅回收行動，將收集到可回收或可重用嘅物資，例如舊衫褲、玩具、電腦、家具，同埋電器等，轉交回收商或者其他慈善機構。
身為環保先鋒嘅冬冬，噚日就專登去咗位於沙田、黃大仙、觀塘同鯉魚門四個屋苑，親身了解市民喺大掃除期間，有冇踴躍參與家居廢物回收活動。好彩，冬冬所見嘅大部份市民，都對廢物回收計劃反應正面，不枉冬冬落力推銷。佢重唔怕污糟，四圍揭起啲垃圾桶蓋左睇右睇，畀着其他阿太，可能已經嫌三嫌四㗎喇。
傳真︰2623-9278
電郵︰[email protected]