有讀者日前於纖形公司接受減肥療程，被聲稱可通淋巴的電流機「電傷」手臂，肌肉出現勞損，須接受物理治療治理。有物理治療師指出，電流通過身體只會令肌肉收縮，但因刺痛的感覺，令人產生錯覺，以為等同做運動，但實質上電流經過身體是不能消脂減肥。
讀者梁小姐早前於一間纖形公司購買七萬多元的減肥療程，她投訴於去年十一月底一次療程中受傷，令她需長期接受物理治療治理。
需接受物理治療
她憶述，過去曾數次接受該纖形公司的電流機通淋巴，以求達到減肥的效果。那次療程中，職員一如過往，在其左上手臂塗上啫喱，然後貼上兩塊狀似鐵餅的金屬片，接上電源，讓電流通過身體。
「但今次一接通電源，我已經覺得好刺痛，痛到幾乎成個人彈起，好辛苦；同平時針拮針拮，只得少少痛好唔同。」
她即時向身旁職員反映，並要求對方將電流力度減弱或停機，但不知是職員不熟悉操作程序，或是機件出現故障，該名職員前後花了接近一分鐘，才能將電流力度減弱。
手臂痛未能發力
「我當時好辛苦，係咁叫痛，我好唔忿氣無端端被電電咗成分鐘，痛咗成分鐘。」
事後，她有暈眩的感覺，左上手臂隱隱作痛，且未能發力。她原以為並無大礙，怎料事隔兩天，手臂痛楚並無減退，遂往醫院求診。
醫生檢查後，指其左上手臂「俾電流電傷」，須轉介她接受物理治療。
「個物理治療師檢查完話我個情況就好似肌肉勞損咁，所以咁痛，之後要定期去做治療，每星期大約兩至三次，重要唔知睇幾耐先可以好得番。」
她稱現時手臂仍無法用力，左手指間中會有「冤痛」和「抽吓抽吓」的感覺。「隻左手好似廢咗咁，個手袋重少少都冇力攞，我好擔心唔知幾時先可以好得番。」
拒回應記者查詢
有關纖形公司回覆本報查詢時稱，收到投訴後已即時聯絡梁小姐，了解她的需要。該公司會繼續跟進，但不會再作其他回應。
梁小姐事後表示，「間纖形公司之後係有搵過我，但個職員只係問我想點，我講完後佢只係話會跟進，都冇講幾時會覆我、同埋會點跟進，亦冇解釋點解部機嗰日會咁樣。」 （○一一二○四六）
服務熱線
電話：29908288
傳真：23702192
電郵：[email protected]