任葆琳、顧紀筠及童愛玲等，前晚在灣仔會展演出本地時裝設計師林樹彬的時裝騷。童愛玲戒吃薯片，以二十五吋纖腰及迫爆上圍示人，性感度爆燈。任葆琳和顧紀筠亦自信十足，齊齊在天橋上爭妍鬥麗一番。
任葆琳、顧紀筠及童愛玲等與名模Rosemary、陳沛嘉等，前晚在灣仔會展為本地時裝設計師林樹彬演出fashionshow，童愛玲酥胸半露，性感度爆燈。
放大假遊埠
童愛玲透露早於兩星期前已開始keepfit，並戒了心愛的薯片零食，務求以二十五吋纖腰的最佳狀態行天橋，不過胸部卻仍能保持豐滿。
問任葆琳有否刻意keepfit行show？她則說：「聖誕同新年成日搞大食會，所以肥咗五磅。我一啲都唔緊張，唯一要求係要有獨立更衣室，後台春光無限，加上我好怕醜，就算喺屋企，媽咪喺度我都要入房換衫。」
任葆琳還透露將會放大假，先與女性朋友去歐洲，之後聯同母親及姊姊去夏威夷，她說：「二月中先會返嚟，情人節會一個人過，我成年半冇拍拖，都想拍番拖。」
自信有本錢
另一邊廂的顧紀筠就刻意keepfit，她說：「我減咗八磅，雖然自己唔夠啲模特兒高，不過我有自信，經驗搭夠。」問顧紀筠會否介意演繹性感新裝，她說：「雖然我有本錢，但係因為有老公，會自我審查，之前拍纖體廣告後，囝囝同我講唔想我再拍呢啲廣告。」
此外，前晚上演多場時裝騷，張燊悅、馬詩慧偕女兒欣賞HidyNg為香港時裝節的壓軸騷。無綫藝員陳霽平和沈囗婷等亦有份演繹本地設計師IdaTrieu的春夏新裝。
採訪：RitaLeung
攝影：ChenWaiOn
