應屆港姐陸詩韻、林莉、鄧上文、許佩琪及歌手戴夢夢，昨日出席在富豪酒店舉行的「保良局．富豪酒店集團新春慈善活動」記者會。活動上，許佩琪抱着一頭玩具貴婦狗愛不釋手，她說：「以前住元朗嗰陣，同一時間最多養過三十隻狗，大部份都係爹哋執番嚟嘅流浪狗，後來有部份送畀朋友養，𠵱家重養緊三隻。」
白底褲好運
戴夢夢表示早前獲高人指點，在農曆年期間要穿上全白內衣褲，以求帶來好運，她笑說：「媽咪買咗十五條白色底褲，下令我由年初一到十五都要着！」
此外，陸詩韻、鄧上文昨日又到尖沙嘴新世界中心出席慧妍雅集慈善活動，跟一班小朋友寫揮春。鄧上文表示：「今年第一年喺TVB返工，希望可以有一萬蚊利是啦。」
採訪、攝影：卓美娟