謝賢的財政狀況，一直是坊間茶餘飯後的話題，他不諱言說：「我𠵱家最怕係冇錢，我嘅最大願望係，到死嗰日，啲錢啱啱好用晒。」
自詡有波有籮
四哥揮霍的原因之一，是貪靚，「我最衰係發姣，買好多衫。」他的家中，單是衣架就有一百個。「貪靚係因為我尊重自己、尊重自己個名。𠵱家嘅人隨便好多，所以𠵱家冇明星、冇星味。」
四哥是名副其實的「姣婆四」，他不介意人家說他發姣，說起自己的健美身形，更以「有波有籮」來形容。他有幾貪靚？接受訪問當天，四哥左耳戴着一個十字架形的耳環，是他自己設計的，配襯烏黑的黑超，很搶。他又專誠多帶了一件黑皮褸出來拍照，穿起皮褸的謝賢很cool，沒有人會有任何異議，他的衣着心得，其實就是沒有心得：「係人着靚件衫嘅，唔係件衫着靚個人。」言下之意就是，世上只有靚人，沒有靚衫。
兒女篇：放任政策各自happy
謝賢是個非常父親，對於子女的放任行為，總有一套異於常人的結論。愛女婷婷不止一次被傳媒發現夜蒲酒吧，謝賢提起此事即向記者曉以大義，「後生仔女唔去蒲就有問題，唔蒲點融入社會？你唔打機，都唔識電腦喇！」不過，對於陪伴婷婷夜蒲的模特兒男友，謝賢就大潑冷水：「𠵱家嘅女仔，點知幾時散？」
大讚霆鋒定性
「遊戲人生，做人係咁㗎喇。」四哥風流成性，對子女也很放任，「我同我仔女understood，佢哋有佢哋嘅私人生活，我有我嘅，總之大家happy。」就連未來新抱是誰，他也不會操心，「我都唔知佢有幾多個女友，佢揀邊個，我冇所謂。」霆鋒過去曾與王菲和張栢芝拍拖，問四哥喜歡哪一個，他說：「我覺得個個都好，只要個仔開心。」
霆鋒曾經捲入頂包案，出獄之後，事業陷入低潮。謝賢形容頂包案對霆鋒是好事，「我覺得呢個教訓係一個好好嘅人生課程，呢一堂好好，令佢唔好再以為自己乜都識，起碼知道乜嘢係大事，乜嘢係小事，佢𠵱家定性咗，比之前成熟好多。」
對於兒子事業上的低潮，他作出這樣的勉勵：「人生總有起伏，好似股票咁，梗有起落，我以前好順利，但係收尾都有波折。」四哥語氣淡然，但那種父對子的關切之情始終是溢於言表。
