無綫收費頻道新電視賀歲劇《十兄弟》一眾演員昨日到馬鞍山新港城中心宣傳新劇，林文龍、郭可盈帶領劇中十兄弟跟現場觀眾寫揮春及玩遊戲。拋元寶時十兄弟均表現出頑皮的一面，不停將膠元寶亂掟，場面混亂。
錄歌生磨擦
小演員Jacky仔更突然出現在宣傳活動上，人細鬼大的Jacky仔上台後，逗得林文龍、郭可盈哈哈大笑，林文龍還跟Jacky仔大玩倒豎葱，又揑Jacky仔的面珠，求子之心溢於臉上。
另外，《十兄弟》主題曲是由林文龍、郭可盈主唱，由李逸朗作曲，錄歌時原來曾發生不愉快事件，李逸朗說：「個監製係我搵，阿爹同阿娘（林文龍、郭可盈）同個監製有少少磨擦，我都覺得唔好意思，今日特登代監製同佢兩個講對唔住，阿爹同阿娘對唱歌要求好高。」
採訪：楊潔雯
攝影：何國豪
