本小姐啲男友由西環排到筲箕灣，個個都話要請我食情人節大餐，2日前Peter仔鬼死咁開心，話約定我2月14日去「朗豪酒店」食情人節套餐喎。$19,999全包宴，包1晚總統套房兼喺房內開餐，食完8道菜重可以享用酒店設施兼睇星星，咁鬼浪漫搞到我都心郁郁，不過距離情人節重有成3個禮拜，等佢急吓先囉！不過情侶們想試就要預訂，因為預計都幾爆㗎。
朗豪酒店（35523552） 地址：旺角上海街555號 瘦東：專食貴夾唔飽嘅嘢，口味同揀男友一樣：嘴刁！
