前日凌晨六點，阿鏵哥睇場嘅馬交有位名人過咗世，就係澳門中總永遠名譽會長、同善堂榮譽主席崔樂其。澳門班老街坊冇邊個唔識崔樂其，佢本來係鏵哥伯爺何賢嘅葡文秘書，在澳葡時代扮演中間人角色，例如五二年中葡在關閘衝突，澳督就係透過崔樂其安排何賢同中方講和，擺平咗件事。
咁又關香港人乜嘢事呢？本來唔多關，七月之後就好關喇，因為呢位崔老先生，就係許仕仁司長嘅舅父。肥龍重出江湖，家世曝光，大家都知司長媽咪系出名門，係澳門望族。因為呢個背景，肥龍同鏵哥亦係世交。
崔樂其享年八十四，下周二設靈，周三舉殯，司長屆時都可能會過去致意。
傳真︰2623-9278
電郵︰[email protected]